Mariage avec Charles Millouin
Contrat de mariage devant notaire Becquet, enregistré le 3 septembre 1670, annulé par la suite. Marie-Rose Colin a par la suite épousé François Guire, dit Larose.
Pardevant Romain Becquet, notaire en la Nouvelle France, resident en la ville de Quebeq et tesmoings soubzignez Furent present en leurs personnes Charles Hilloin habitant et demeurant à st Ours, fils de deffunt jacques Milloin et de marguerite Regnault, ses pere et mere de Fontenay le Compte Evesche de la Rochelle d’une part et de Roze Marie Collin, fille de deffunt piere Collin et de jeanne du posteau ses pere et mere, demeurant au bourg d’Epinay Evesche de Challon d’autre part Lesquels de leurs bons grés et vollonte et du consentement de leurs parents et amis pour ce assembles scavoir de dame anne Gasnier veufve de feu Monsieur Me Jean Bourdon vivant escuyer Seigneur de St Jean et de St François procureur general au Conseil Souverain de ce pays Damoiselle Elizabeth Estienne Me piere de saint Ours seigneur du lieu Capitaine de la Compagnie d’infanterie en ce pays Me piere de Contrecoeur escuyer Seigneur du lieu Capitaine de la Compagnie d’infantrie en Ce pays Laurent Rouer escuyer Sieur de villeray.
Me Pierre Saurel Et toutes Les amies et parents en ce pays Ont fait les accords et promesses de mariage qui En suivent Cest ascavoir que Led. Milloin a promis et promet prendre pour sa famme et legitime Espouze Lad. Collin, comme aussy elle promet prendre pour Son mary et legitime espoux led. Milloin, Ycelluy mariage faire et collemnizer en face de notre mere Ste Esglise Catolique appostolique et Romaine le plustost que faire ce pourra et qui sera advise et dellebere Entreux leursd. Parents et amis sy Dieu et nostre ditte mere Ste Esglise y consentent et accordent pour estre lesd. Futurs Conjoints ungs et Communs en tous biens meubles Acquest et Conquets immeubles du jour de leurs espouzailles a ladvenir suivant la Coustume de Paris, Ne seront Lesd. Futures Conjoints tenus aux debtes L’un de l’autre faictes et crées avant leur future mariage ainsy sy aucunnes y a seront payées et acquittées par Celluy qui les Aura factes et crées et sur son bien sera douée la dicte future espouze du douaire Coustumier ou de la somme de Trois Cents Livres Tournois de douaire préfix pour une fois payer et ce au choix de ladite future espouze Ycelluy douaire a prendre et avoir sur le plus beau et plus Clair des bien dud. Future espoux qui en a des apresent chargez et hypothequez et a le dit future espoux pris lad. Future espouze avec tous ses droicts noms raisons et actions qulle a de present et qui luy pourront eschoir se apres tant par succession donnation qu’autrement.
Et en outre led. future Espoux arecongneu et confesse que lad. future espouze luy a apporté et mis en la Communauté jusques a la somme de Trois Cent Livres tournois dont le moittié entrera la lad. Communauté et l’autre moittié luy sortira nature de propre a elle et aux siens de son Costé et ligne et en outre la somme de Cinquante livres que Sa Majesté luy a donnée en Consideraton de son Mariage qui luy sortiront aussy nature de porpre a elle et aux siens de son Costé et ligne,
Et arrivant dissolution dud. Future Mariage sans enffans procréés d’ycelluy lesd. Futures Conjoints se sont faict et font donnation lun a lautre Entrevifs de la meilleure forme et maniere que donnation puisse avoirlieu et sortir effect en tout son contenu de tous et chacuns les biens meubles acquets et conquets Immeubles, qui se pourront Leur apartenir un jour et trespas du premier mourant sans aucne chose en reserver ny retenir pour par le Survivant du tout faire jouir et dispozer ainsy que bon luy semblera au moyen des presentes,
Et pour faire Insinuer lesd. Presentes partout ou il appartiendra dans quatre mois d’huy suivant lordonnace lesd. Futures Conjoints ont nommé et esleu pour leur procureur general et special le porteur des presentes auquel ils donne pouvoir de ce faire et den requerrir acte.
Car ainsy &ca promettant &ca obligeant Chacun en droict soy renonceant &ca Faict et passé au dit Quebecq en la maison de lad. Dame Bourdon L’an gbi soixante dix avant midy le troisieme jour de septembre en presence de Jean-Baptiste Gosset de de Gilles Dutartre demeurants au dit Québecq Tesmmoingts qui ont signé a ces présentes avecq les dit future Conjoint et amis et notaire Suivant lordonnance.
Charle Millouain Marie rose Colien
St ours Contrecoeur Saurel anne gasnier
Randin Rouer de villeray paul lacuncy
Estienne Gilles dutartre
Gosset Becquet Notaire
Source : Archives judicaires de Montréal